Aallaqqaasiut
Ilaqutariit paarsisartut pillugit saqqummersitaq Naatsorsueqqissaartarfimmit sillermeerutaavoq.
1.1
Killiliineq
Nalinginnaasumik
ilaqutariinni paaqqinnittarneq ukkatarineqarpoq, tassaallunilu paaqqinnittarneq
atorneqarnerpaaq. Pilertortumik ilaqutariit paarsisartut, amerlanertigut
ullualuinnarni, aningaasaqarnermut tunngasuni kisimi ilanngunneqarput.
Nalinginnaasumik
ilaqutariit paarsisartut tassaapput meeqqanik najugaqartitsillutik
paaqqinnittartut, kommuniimilli paaqqinninnerminnut
aningaasarsiaqartinneqartut. Nalinginnaasumik ilaqutariit paaqqinnittut
piffissaq tamakkerlugu paaqqinninnertik suliffittut ingerlattanngilaat.
Kisitsisitigut
paasissutissani inuussutissarsiutigalungu ilaqutariit paarsisartut,
akissarsiaqarluni angajoqqaarsiat, ilaanngillat. Taamatuttaaq nammineq
aaqqissuussamik ilaqutariit paarsisartut, kommuniniillu
akissarsiaqartinneqanngitsut ilaanngillat.
Meeqqat
innarluutilinnut inissiisarfinniittut kiisalu meeqqat inuusuttullu
inissiisarfinniittut pillugit Naatsorsueqqissaartarfik kisitsisinik
saqqummersitsisareerpoq. Kisitsisillu kisitsisaataasivimmi
nassaarineqarsinnaapput.
1.2
Saqqummersitap suliarineqarnera
Saqqummersitap
immikkoortuata aappaani inatsit atuuttoq kisitsisinullu nalunaarsuutit tunngaviusut
pingaanersiorneqarput, taamatullu nalunaarsuutini assigiinngitsuni
paasissutissat kisitsisitigut nalunaarsuiffimmut, matumani
tunngavigineqartumut, qanoq ataatsimoortinneqarneri nassuiarneqarluni.
Immikkoortut
pingajuanni kisitsisitigut paasissutissani pingaarnertut inernerit
sammineqarput. Tassani ilaatigut meeqqat ilaqutariinni paarsisartuniittut qanoq
amerlatigineri saqqummiunneqarluni, meeqqallu ukiui, suiaassusaat kiisalu
distrikti najugaqarfittut nalunaarsorneqarsimasoq siullerpaaq malillugu agguataarneqarput.
Kisitsisaataasivimmi
tabelinik imaqarnerusunik sanasoqarsinnaavoq.